6 visitante(s) en liña
Hoxe: 455 accesos
Suscrición ao boletín
Comisions de Traballo
Coñeza ás nosas comisións de traballo, seus obxetivos, qué fan, quén as integra; e os traballos realizados.
Comisión de Incidencia
A Comisión de Incidencia Política creouse o 17 de setembro de 2008, e foi ratificada pola Asemblea Xeral Extraordinaria de Febreiro de 2009. A idea de constituír unha comisión de incidencia xorde do Encontro Buscando Sinerxías, organizado para a Planificación Estratéxica da Coordinadora, ao entender as ONGD integradas que a Incidencia Política debía ser un ámbito prioritario de acción da CGONGD.
Comisión de Código de Conduta e Normativa
O grupo de traballo de Normativa e Código de Conduta constituíuse o 26 de novembro de 2007, baixo a necesidade de dotar normativamente á Coordinadora duns novos Estatutos e Regulamento de Réxime Interno.
Comisión de Xénero
A Comisión de Xénero da Coordinadora Galega de ONGD constitúese o 21 de xuño de 2007. Nesa primeira reunión acórdase a súa denominación como “Comisión de Xénero”, o sistema de funcionamento, a misión do grupo, as súas áreas de traballo, así como a definición de obxectivos específicos e a programación das actividades a levar a cabo ese mesmo ano. A iniciativa de poñer en marcha unha Comisión de traballo sobre xénero xorde das inquedanzas dalgunhas das ONGD que amosaban unha sensibilidade especial na tarefa da erradicación da desigualdade de xénero e o firme compromiso de integrar o enfoque de xénero nas súas actuacións e procedementos internos. Este propósito foi reforzado na Comisión de Xénero tras a realización dunha investigación sobre a integración da perspectiva de xénero nas ONGD, a través da que se chegou á conclusión de que, por regra xeral, nas ONGD galegas a incorporación da perspectiva de xénero non é unha liña estratéxica establecida, nin unha prioridade, polo que existe a necesidade de seguir avanzando neste aspecto.
Comisión de Comercio Xusto
A Comisión de Comercio Xusto e Consumo Responsable, foi a primeira en ser constituída e comezou a traballar no ano 2006. A misión desta comisión baséase en dous principios básicos: •Mellorar o grao de información, formación e compromiso da sociedade e autoridades da administración pública galega (sobre todo as que teñen decisión sobre o proceso de compra pública ética), no ámbito do Consumo Responsable e o Comercio Xusto, •Mellorar e aumentar a dispoñibilidade (oferta) e accesibilidade ao Comercio Xusto por parte das familias e consumidoras/es en Galicia.
Comisión de Educación para o Desenvolvemento
O grupo de Educación para o Desenvolvemento (EpD) constitúese formalmente na xuntanza do 28 de novembro do 2007, nunha primeira reunión na que se tentaron poñer as bases do seu funcionamento interno e realizar unha primeira planificación da súa actividade de cara o 2008. A misión desta Comisión de Educación para o Desenvolvemento é de contribuír ao coñecemento, difusión e práctica da educación para o desenvolvemento en Galicia, así coma mellorar o grao de información, formación e compromiso das autoridades de educación e da cidadanía galega cos ODM, erradicación da Pobreza e desenvolvemento sostible.
ir ó principio© 2007-2009 Coordinadora Galega de ONG para o Desenvolvemento
Santiago de Compostela. Galicia. España - Todos os dereitos reservados.