Coordinadora Galega de ONG para o Desenvolvemento

6 visitante(s) en liña
Hoxe: 456 accesos
Total: 350855 accesos
RSS 2.0 | ATOM 0.3

Suscrición ao boletín

Buzón de Suxerencias

Opcións

Inicio › Comisions de Traballo › Comisión de Incidencia

Comisión de Incidencia

A Comisión de Incidencia Política creouse o 17 de setembro de 2008, e foi ratificada pola Asemblea Xeral Extraordinaria de Febreiro de 2009. A idea de constituír unha comisión de incidencia xorde do Encontro Buscando Sinerxías, organizado para a Planificación Estratéxica da Coordinadora, ao entender as ONGD integradas que a Incidencia Política debía ser un ámbito prioritario de acción da CGONGD.

Obxetivos da Comisión

A misión principal desta Comisión non é outra que incrementar o grao de compromiso das institucións públicas galegas coa cooperación ao desenvolvemento. A tal efecto, márcase como obxectivos de acción os seguintes: •Mellorar a comprensión e sensibilización das ONGD integradas na CGONGD sobre a importancia das accións de incidencia de cara á consecución dos fins en todas elas. •Mellorar o coñecemento das/os representantes políticas/os galegas/os sobre a pobreza, as súas causas e consecuencias e sobre as demandas da Coordinadora Galega de ONGD. •Mellorar o compromiso dos partidos políticos galegos na loita contra a pobreza. •Xerar espazos de debate e consulta institucional sobre as políticas de cooperación internacional galegas.

¿Quén a integra?

Asemblea de Cooperación Pola Paz Axuda en Acción Educación sen Fronteiras Entreculturas Farmamundi Mans Unidas Médicos do Mundo Intermón Oxfam Solidariedade Internacional de Galicia

Traballos Realizados

2008. “Informe sobre a Cooperación Galega na última lexislatura 2005/2009”.

Presentado no Club Internacional de Prensa en decembro do 2008, neste informe saliéntanse os logros acadados polo goberno galego no ámbito da cooperación nestes últimos anos (elaboración do I Plan Director da Cooperación Galega, a elaboración de Plans de Actuación por País e de Plans Anuais), así como tamén recolle o incumprimento dos compromisos en materia de financiamento que o goberno non acadou, e que tiña asumidos por escrito en varias ocasións.

2009. Campaña “Esixe o 0.7% á Xunta de Galicia”. Campaña de incidencia para esixir que se aumenten os fondos destinados a cooperación ao desenvolvemento que desembolsa a Xunta de Galicia.

Dentro da campaña leváronse a cabo recollidas de firmas simultáneas en toda Galicia reivindicando que se destinase o 0,7% do orzamento da Xunta de Galicia á cooperación ao desenvolvemento. As sinaturas entregáronse no Parlamento de Galicia na semana anterior ás eleccións autonómicas de 1 de marzo de 2009.

2009. Seminario Galicia cara ao Pacto contra a Pobreza. En outubro, con motivo da Semana Galega de Mobilización contra a pobreza, organizouse un Seminario para por enriba da mesa a posibilidade de acadar un Pacto Galego contra a Pobreza. Tivo lugar o día 16 de outubro, no Pazo da Cultura Galega, e a el asistiron representantes políticos da Xunta de Galicia, as deputacións e os principais concellos galegos.

Ver as actividades da Comisión de Incidencia

ir ó principio© 2007-2009 Coordinadora Galega de ONG para o Desenvolvemento
Santiago de Compostela. Galicia. España - Todos os dereitos reservados.