Coordinadora Galega de ONG para o Desenvolvemento

Saíu publicada no Diario Oficial de Galicia a Orde do 30 de decembro de 2011, da Consellería de Presidencia, Administracións Públicas e Xustiza, pola que se aproban as bases reguladoras da concesión de subvencións para a execución de proxectos e microproxectos de cooperación ao desenvolvemento no exterior. Como nas derradeiras convocatorias, as subvencións para proxectos no exterior poden ser presentadas por ONGD e por outros axentes de cooperación. No primeiro caso, a contía total destinada a financiar o traballo das ONGD é de 3.350.000 euros. No caso dos outros axentes, o orzamento total é de 1 millón de euros.  Para microproxectos, a convocatoria conta con 175.000 euros.