Coordinadora Galega de ONG para o Desenvolvemento

Coa propia evolución da Coordinadora como organización cada vez máis representativa do sector da cooperación galega e co propio incremento da complexidade na súa estrutura, a Xunta Directiva da Coordinadora viu necesario avanzar cara a novos procesos  regulamentadores. Así, durante o 2008 e 2009, froito do amplo proceso de Planificación Estratéxica que viviu a institución, veu a luz un novo proxecto de Estatutos para a organización, máis acorde ás necesidades, obxectivos e fins actuais da mesma. Para desenvolver polo miúdo o contido dos novos Estatutos, a Comisión de Normativa e Código de Conduta da Coordinadora elaborou un Regulamento de Réxime Interno, que dese cabida á  regulamentación dos cambios acaecidos na propia estrutura da organización. Cambios coma os que se teñen producido coa creación das comisións de traballo sectoriais, co aumento e especialización do persoal técnico ao servicio da Coordinadora, ou mesmo coa necesidade de concretar o procedemento de entrada de novas ONGD na Coordinadora.

 

Os presentes Estatutos foron aprobados na Asemblea Xeral Extraordinaria de 27 de febreiro de 2009, celebrada en Santiago de Compostela, e o Regulamento de Réxime Interno, ratificouse na Asemblea Xeral Ordinaria da Coordinadora, celebrada en Padrón o 13 de xullo de 2009.