4 visitante(s) en liña
Hoxe: 1089 accesos
Suscrición ao boletín
FORMAMOS PARTE DE
RECOMENDAMOS
Emerxencia en Pakistán
As choivas monzónicas que dende hai dúas semanas están afectando Pakistán cobráronse ata agora máis de 1.600 vidas e, segundo estimacións do propio goberno, o número de persoas damnificadas podería chegar aos 14 millóns nos próximos días. As choivas torrenciais ininterrompidas xa afectaron a maioría do territorio pakistaní e provocaron inundacións e riadas en todo o país, o cal está dificultando as operacións de rescate e emerxencia. Segundo as previsión, nos próximos días seguirá a chover e a situación actual, cualificada como a peor catástrofe da historia recente de Pakistán, podería empeorar aínda máis.
A prioridade dos equipos de emerxencia presentes no país é evacuar as persoas que están atrapadas e provelas de servizos básicos como auga potable, atención sanitaria, kits de hixiene, tendas de campaña e utensilios para cociñar. As autoridades sanitarias xa alertaron da detección dos primeiros casos de cólera, malaria e diarrea severa e se teme pola aparición de brotes de estas enfermidades.
Distintas organizacións como Intermón Oxfam, Cruz Vermella (Comité Internacional), Cáritas, Axuda en Acción (Action Aid), Médicos do Mundo e Médicos sin Fronteras, que traballan en Pakistán dende hai anos, están a levar a cabo accións de evacuación e emerxencia xunto cos seus socios locais.
ir ó principio© 2007-2009 Coordinadora Galega de ONG para o Desenvolvemento
Santiago de Compostela. Galicia. España - Todos os dereitos reservados.