25 de febreiro de 2010 00:00
Naceu a nova radio da prisión de A Lama, auspiciada por Agareso
A prisión de A Lama en Pontevedra inaugurou o pasado 17 de febreiro, ás cinco da tarde, a súa nova emisora xestionada e coordinada polas propias persoas internas. No acto de inauguración estivo presente o subdelegado do Goberno en Pontevedra, Delfín Fernández Álvarez e responsables da ONGD Agareso (Reporteiros Galegos Solidarios).
"A Radio", nome da nova estación, emitirá en horario continuado para todo o centro penitenciario aportando programas de produción propia centrados en áreas coma os deportes, informativos, cultura e entretemento.