4 visitante(s) en liña
Hoxe: 1582 accesos
Suscrición ao boletín
FORMAMOS PARTE DE
RECOMENDAMOS
Rodríguez Zapatero cancela a súa reunión co presidente de Ruanda tras a polémica suscitada polo encontro
A presión social xerada dende a Coordinadora de ONGD-España, Amnistía Internacional e distintos partidos políticos da oposición, conseguiu que o mandatario español cancelase a última hora a súa reunión prevista co presidente de Ruanda, Paul Kagame, imputado pola Audiencia Nacional española de xenocidio, guerra, lesa humanidade e terrorismo.
O presidente de Ruanda, Paul Kagame, que copreside xunto a Rodríguez Zapatero o grupo de apoio aos Obxectivos do Milenio, estaba invitado, xunto ao Secretario Xeral da ONU Ban Ki-moon, a unha reunión preparatoria da cume que se celebrará en setembro. A polémica suscitada pola elección de Paul Kagame como co-presidente do grupo e polo seu encontro co presidente español, motivou a cancelación da reunión por parte de Rodríguez Zapatero. A orixe destas protestas atópase na imputación ao presidente ruandés de delitos de xenocidio, guerra, de lesa humanidade e terrorismo. O procesamento do mandatario non foi posible por gozar de impunidade ao longo da súa presidencia.
O presidente do goberno español delegou a asistencia no ministro de Asuntos Exteriores, Miguel Ángel Moratinos, e na secretaria de Estado de Cooperación, Soraya Rodríguez. O encontro celebrarase nun hotel de Madrid (e non na Moncloa, como estaba previsto), e aínda non está confirmada a asistencia de Paul Kagame (que xa está en España).
Dende a Coordinadora ONGD-España defenden que a loita contra a pobreza non pode entenderse sen o respecto aos Dereitos Humanos e consideran que, mentres Kagame se atope nun proceso xudicial desta índole, non conta con lexitimidade para desempeñar a misión que lle foi outorgada.
Para ler o Manifesto da Coordinadora de ONGD-España, aquí>>
ir ó principio© 2007-2009 Coordinadora Galega de ONG para o Desenvolvemento
Santiago de Compostela. Galicia. España - Todos os dereitos reservados.