Coordinadora Galega de ONG para o Desenvolvemento

  • En linea 5 convidado(s) en liña agora
  • Visitas Hoxe: 4371 accesos
  • Visitas Total: 3564061 accesos
  • Feed RSS 2.0 | ATOM 0.3

Suscrición ao boletín

Nome: Correo:

Buzón de Suxerencias


FORMAMOS PARTE DE

  • Asina a «X Solidaria» na túa declaración da Renta
  • Fiare
  • Coop 57
  • Pobreza Cero
  • Coordinadora de ONGD - España
  • Quien debe a Quien

RECOMENDAMOS

  • Tempo Exterior

Fai doble clic no mapa para visión máis próxima das ONGs por localidades

 

Todos | 0 | 1 | 2 | 3 | 4 | 5 | 6 | 7 | 8 | 9 | A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z
  3. Ámbitos de Acción
  1. Local

PANXEA

A Asociación para o comercio xusto e solidario PANXEA naceu en Compostela en 1995 coma unha asociación sen ánimo de lucro.  A organización traballa nos eidos de Comercio Xusto, Consumo Responsable, Soberanía Alimentaria e Economía social, alternativa e solidaria (especialmente cooperativismo e finanzas éticas). 

Os seus principais obxectivos son a sensibilización da sociedade galega e a participación activa en diversas iniciativas de economía social, alternativa e solidaria, especialmente as relacionadas co comercio xusto, e o consumo responsable dende a perspectiva da soberanía alimentaria. Traballa para impulsar cambios que, dende o pequeno e o local, muden as estruturas a prol da xustiza social, ecolóxica e de xénero, e nas relacións comerciais norte-sur, pero tamén norte-norte, e sur-sur, promovendo igualmente a paz e o desenvolvemento sustentable.

 

PANXEA forma parte da Comisión de Comercio Xusto da Coordinadora Galega de ONGD dende 2008. Ademais, traballa en rede coa Iniciativa pola Soberanía Alimentar dos Pobos, a Rede Galega de Consumo Consciente e Responsábel,  Fiare Galiza, e a nivel estatal e ibérico, forma parte do “Espacio por un Comercio Justo”. 

 

En febreiro de 2010, a tenda de comercio xusto que PANXEA ten na Rúa da Rosa, 36 (Compostela) pasou a ser xestinada por unha Cooperativa de Consumidores/as e Usuarios/as.


Onde atoparnos:

Rúa da Rosa, 36 baixo
Santiago de Compostela
A Coruña
15701

Teléfono: 981 93 72 38
panxea@panxea.org
www.panxea.org


Voluntariado

 Algunhas das actividades que PANXEA ten posto en marcha son, por un lado, os programas de sensibilización en Comercio Xusto e Consumo Responsable en centros educativos galegos e, polo outro, o traballo en rede “As mulleres alimentan o mundo” (Comisión de Comercio Xusto da Coordinadora Galega de ONGD), ou a campaña de captación de socios/as de Fiare-Galiza. Outra das tarefas que actualmente están a desenvolver é a dinamización do novo local social (charlas, obradoiros, exposicións, …) e a implementación do Centro de Recursos.

Recursos Económicos

 En 2009 o orzamento de PANXEA foi de 58.189,09 € e, en 2010 de 72.363,61 €.

Recursos Humanos

 Actualmente a organización non ten ningunha persoa contratada, conta con 20 voluntarios/as e 51 socios/as, 1 deles fóra de Galicia.

ir ó principio© 2007-2009 Coordinadora Galega de ONG para o Desenvolvemento
Santiago de Compostela. Galicia. España - Todos os dereitos reservados.