Coordinadora Galega de ONG para o Desenvolvemento

7 visitante(s) en liña
Hoxe: 470 accesos
Total: 350869 accesos
RSS 2.0 | ATOM 0.3

Suscrición ao boletín

Buzón de Suxerencias

Inicio › Que é a CGONGD?

Opcións

Que é?

Estructura Orgánica

Como Integrarse?

Normativa da CGONGD

As contas claras

Que é a CGONGD?

Misión

A Coordinadora Galega de ONGD, -CGONGD-,é unha asociación que agrupa, en 2009, a un total de 48 ONGD que traballan no ámbito da cooperación ao desenvolvemento, a acción humanitaria e de emerxencia, a educación para o desenvolvemento e a incidencia política.

Nace no 1991 e está integrada na Coordinadora de ONGD España desde abril de 2002 como membro de pleno dereito.

A misión principal da Coordinadora Galega de ONGD, tal e como o recolle na súa recente Planificación Estratéxica (2009-2012) é contribuír á erradicación da pobreza nun marco de desenvolvemento sostible e de promoción dos Dereitos Humanos, que propugne a eliminación de calquera tipo de discriminación, e que promocione a igualdade entre mulleres e homes.

Para dar cumprimento a esta misión, a Coordinadora traballa principalmente na construción dun modelo de cooperación ao desenvolvemento de calidade e transformador para Galicia, mediante a potenciación dun espazo de intercambio e reflexión das ONGD integradas que concerte os esforzos individuais das ONGD para a acción conxunta.

A estratexia da Coordinadora baséase nas seguintes premisas:

A plena participación de todas as ONGD integradas, respectando a súa diversidade, nunha estrutura democrática e transparente que pretende achegar valor engadido ao traballo individual.
O avance na construción dun modelo de cooperación de calidade, a través do avance das Comisións de Traballo e a liña de incidencia política común das ONGD integradas.
O acompañamento das ONGD integradas no seu fortalecemento co obxectivo de apoiar a construción dun sector forte e representativo.
A orientación do traballo das ONGD e da Coordinadora cara a resultados medibles e concretos, o fomento de procesos participativos, a eficacia no uso de recursos e a transparencia e rendición de contas como principios de acción.
A implementación e cumprimento do Código de Conduta que convirta á Coordinadora e ONGD integradas en referentes lexitimados en Galicia en temáticas de cooperación para o desenvolvemento de cara á administración, ás redes estatais, aos medios de comunicación e á cidadanía.

Obxectivos

Os principais obxectivos de acción da CGONGD son:

Desenvolver liñas de incidencia e presión política en posicións comúns emanadas das ONGD integradas
Promover un espazo de potenciación e complementariedade das ONGD do tecido galego para unha maior visibilización do traballo das mesmas.
Promover e defender unha mellora da calidade da cooperación ao desenvolvemento como obxectivo compartido das ONGD galegas.
Encabezar a interlocución coas institucións públicas e privadas galegas así coma con outras redes sectoriais e coordinadoras autonomicas, como representante lexítima do sector.